مسخريشن

الي انا هطق منه والي اكتشفته فالكليه السودا دي والي ياريتني مادخلتها ولا عرفته
انه بيحصل مسخريشن واستهباليشن في الكليه الذيذه دي
لما انا كدا اتفرس واقعد اهري وانكد على نفسي واقول انا مكنتش بذاكر ..لا لا دا انا الي مقصره..ميصحش وبتاع دي كليه بنت ناس وكلاام من دا
واقعد اقول لا السنه دي غير والسنه الجايه اغير وبتاع...
اقعد النهارده اسمع حوارات فارغه ومسخريشن عرفت ان الله حق..وان مش انا الي بنت ... دا هما الي ولاد .... اه وربنا
حد اعرقف عاد سنه تانيه ..ليه يابن الحلال..ال دكتور الانتومي الي مفيش داعي لذكره اسمه احسن يتولع فيها..
انه كان مستقصده انه يسقطه..حركة بايخه اوي يحكي ان ..انه هو كان فامتحان الشفوي وحده دخلت قبليه وقالها انتي مبتحضريش محاضرات وبتاع ...قالته يعني يادكتور هي المحاضرات بتفيد... لا والنبي.. قام رافع القلم على الورقه ومنزله وعملت نقطه كدا يلا مع السلامه
دخل هو بعديها قاله انت بتاخد كورسات قاله لايادكتور وبتاع...
قالوا وريني الشنطه..قعد يطلع كتاب كتاب كتاب كتاب
لحد مالاقا مذكره قاله بتاع مين دي ياشاطر قالوا انا مصورها من مكتبه..لا وربنا...يلا مع السالامه وصفر
راح اشتكى
ورئيس القسم قاله لا ايه دا لا لا ميصحش لا كله بياخد حقه عندي ومحدش بياخد صفر وبتاع
وووو..وشوية هجص كدا
المهم اخر السنه والنتيجه طلعت
ولاقا نفسه فعلا صفر فكل حاجه...
يلعن ابو دي كلية ياشيخ\
وقعده السنه على درجة ونص
حوار كلاكيت عشروميت مره
هو بصراحه التاني يعني زودها شويه مع الدكتور..بس مش معنى كدا انه يشيله سنه كمان
هو قاله فنمكتبه انا مش بشتغل عند امك...هههههه ليه حق يشيله
بس دا جاب مين ومين ومين...قاله مش هيعدي يعني مش هيعدي
اكتشفت بقى نا ناا كمان الكابتن بتاع الفارما كان حاططني فدماغه مع اني مسالمه جدا
بس لقيت ان كلهم اوس.. من بعض بجد حاجه قمة التعقيد والحاله النفسيه الصعبه
على راي الي قال
بتوع الاكاديمي ..مورهمش حاجه فحياتهم غير الطلبه والطلبه فقط لاعيانين بقى ولا بتاع
حاجه تقرف والله
يارب توب عليا من ام الكليه دي ..

كل سنه ...

كل سنه وكل يوم
................
ونفس القصه فكل مره
.................
هفضل كدا كتير!!!
....................

لاحول ولا قوة الا بالله..ربنا يرحمهم

يعني اما اجي اتكلم عن الي حصر فقطار العياط ..والكلام الفارغ دا
اما نيجي نبص على منظر القطارات من جوه ونشوف حاجه زي دي
ويحصل الي حصل دا..والحجم المهول من الناس دي تتفعص فبعض؟؟
ونيجي نقول دول 8 بس الي ماتوا
ونرجع نفتكر ان القطر دا اصلا بتاع الصعيد..
والساعه 6 ولا 7 بليل..يعني كله راجع شغله ومروح...
القطورات دي الواحد بيبصلها كدا من بعيد وهو ماشي جمبها ويقعد يقول فنفسه..الناس دي كدا ازاي القطر مفهوش لا نور ولا كهربا ولا شبابيك بتتفتح
ولا الهوا حتى...
واما نيجي نبص كدا على مستقبل السكه الحديد كدا تلاقيه اسود فاسود شبهه من جوده كدا
اما مشكله زي دي عمرها فوق الميه..من ايام افلام الابيض واسود لو حد فاكر
وكلها شهر ان مكنش اقل وننسى او نتناسى الموضوع دا
لاو فعلا زي ماقالوا....دا يتعمل عليها فلم والله
اما يصرفوا فملاينن اساسا عشان يوعوا الناس انهم ميقطعش الكراسي ميسرقوش الحنفايات والكلام دا
والاعلانات الي بنشوفها فالمخروبه
هي فين الحاجات دي اصلا..انا بيتهيألي مفيش قطر من كل القطارات الي حصلتلها الكوارث دي فيها ربع حاجه منالحاجات دي
لا ويقولك طورنا 85% وفاضل االباقي
هما فاكرين الشعب دول ايه هبل ولا عبط ..الناس كلها دلوقت بقت فاهمه وواعيه...يعني المفروض نصدق كدا

كان في جروب عملوه ع الفيس كان معتز جايبه..اسمه حاسبوا الوزير وبلاش الجاموسه
دا في مسؤل اتصل وقال الجاموسه ومش الجاموسه وازاي صاحبها يسيبها ..حاجه تدحك والله
مهزله ومسخره
ربنا يشفي

من مذكراتي

تجربتي مع سنه الفراغ....
بسم الله الرحمن الرحيم...
احكي قصتي النهارده ويمكن تكون حاجه غريبه او غير محبوبه...لكن احب ارويها عشان اتعلم منها وغيري يتعلم
انا وحده عاديه جدا جبت الكليه دي وانا فسنه تانيه...يمكن كانت مختلبفه شويه عن كليتي فسنه اولى..حبيت الكليه التانيه اكتر وارتبط بيها اكتر..والى الان في الحقيقه
سنه تانيه عديت النسه لكن بالعافيه يعني... بس عزمت الهمه وقررت ان سنه تالته بالنسبه ليا تكون حاجه مختلفه...دخلت السنه وانا متحمسه جدا للدراسه وقررت اني مكررش الي حصل ليا السنه الي فاتت
حبيت سنه تالته ..حبيت الباثولوجي جدا..بفضل ادلكتور عبدالرحمن ..انه كان مسهله جدا وكان بيعمل امتحانات وهكدذا...رغم اني مكنتش بجيب فيها أي تقديرات
لكن كنت بذاكر..بس المذاكره مكنتش بتطلع فالامتحانات..,سعات مكنتش بحضر الامتحانات...وسعات كتير كنت مش بحضر خالص الكورس...
الفارما...وما ادراك ما الفارما...مقدرش اقول اني حبيتها خالص الصراحه..دي كانت عقدتي ولازالت عقدتي ...مكنتش بفهمها ولا بحبها..كنت اه باخد فيها كورس...بس مكنتش بفهم او مكنتش بركز..كنا بناخد متأخر جدا على 2 ونص
والواحد بيرجع هلكان ..وتعبان يادوب ينام ويصحى تاني يوم يروح الكليه...الصراحه مكنتش بضيع ولا سكشن..لكن ممكن امتحانات السككاشن بجيب فيها درجه مش بطاله
البارا.... كانت كلمتها غبيه وصعبه..مع ذالك كنت بسمع كلام كتير عنها انها سهله جدا اصلا والواحد ميذكرهاش غير اخر السنه قبل الامتحان باسبوع ومش عارف ايه الكلام الفارغ دا ...وكنت بصدقه وفعلا مكنتش بذاكرها خالص وواثقه اني لو فتحتها
اخر السنه هجيب فيها تقدير وعالي كمان
المايكرو....الصراحه كنت بحبه جدا..وكنت بشرحه لصحابي ...وكان دماغ اوي ....
كنت بستمتع بالمذاكره الصراحه فيها جدا...نزلت المكتبه اشتريت تكست بوك للميكرو والباثولوجي..وكنت بجيب منهم رسومات وحاجات ..وانقلها فكتابي او دفتر مذاكرتي ...ممكن مكونش بحل كويس فالامتحانات الكورس او السكاشن ...لكن كنت بستمتع جدا بالمذاكره
كنت بدخل ع النت واجيب حاجات وصور ورسومات...
المهم ..بعد كل دا وكل دا.... دخلت الامتحانات...طبعا نظرا لظروفي ممكن تكون مختلفه عن كل الناس...لاني اصلا مش عايشه مع والدي ووالدتي..ممكن تكون مسؤليه البيت كانت عليا شويه....بس دا مكنش بيمنعني من المذاكره
دخلت الامتحانات ...سبحان الله رغم كل المذاكره دي..الا اني تقريبا مكنتش بكتب فالامتحان...اكتشفت بعد ذالك السر....ان انا كنت بذاكر تقريبا لكل ماده من عشرين مصدر...انا صحيح مسبتش ولا كلمه فاكلتاب الا قرأتها وعرفتها..لكن ممكن نقول كمعلومه...مش كخفظ واقدر ادخل اكتبها فالامحتان.... للاسف كنت فلجنه الامتحانات مش قداره افتكر السؤال دا كان فين...من كتر ما انا شفت السؤالد ا فكذا حته..فالتكست وكتاب المدرسه والدفتر و و و... ولاني ربطت نفسي بكذا مصدر للمذاكره ..وبذاكر من كذا حته
يعني كنت اقعد على المكتب...يكون قدامي كل احلاجات دي مفتوحه...وابص هنا وهناك ...
دخلت الامحتانات...وطلعت شابله تلات مواد...وعديت فالباثولوجي ... قلت مش مشكله هدخل دور تاني...حصلت بعض المشاكل فدالور التاني...وبعض الناس مقدروش اني داخله دور تاني ..واد دي صعبه والضغط الي عليا اني اعدي السنه...وانهم بدل مايقفوا جمبي.. واو حتى يراعوا الي انا كنت فيه...بالعكس ...كان بياثر فيا بالعكس... وعدم وجود اهلى جمبي..كان بيأثر فيا لان الواحد فالامتحانات...بيبقى محتاج حد يشجعوا..او يجي يقولوا كلمه حلوه ويحمسوه...او اترمي فحضن امي وتتطبط عليا..وتشجعني
أي كان....الي حصل...عديت فالبارا والمايكرو...ومعرفتش ادعي فالفارما ...الي انا اصلا كنت بكرها ومكنتش بفهمها
بس البارا ...غيرت نظام مذاكرتي فيها...عملت كل شبتر جدول كبير ...كنت اعلقه على الحيطه بعرض 6 ورقات فولسكاب...واقعد اراجع واراجع ..لحد ما احفظ الشبتر
والماسكرو لاني كنت بحبه ..شديت فيه شويه وعديت بفضل الله
دخلت سنه تالته لتاني مره ...ومعايا الفارما....ولي تكمله............

سنه تالته ...كلاكيت تاني مره.........انا يمكن بكتب الكلام دا من مذكراتي الي مبستغناش عنها..
سنه تالته لتاني مره.........يااااه علمتني حاجات كتير....انا مش بعترض على قدري ولا على قضاء الله
انا اه كنت منهاره فالاول وحاسه بالظلم ...وازاي هعيد نه بحالها...طيب ليه؟؟
لكن لما الواحد يقرب من ربنا اوي...ساعتها هيعرف بجد الاسباب...او هتتوحي ليه...ومش هيزعل بالعكس
انا كنت حاسه ان السنه دي ربنا بعتها لي هديه من السما....ليه...
الاولا لاني مكنتش بحب الكليه دي... نهائي تقريبا...لا بالناس ولا بالمكان ولا باالدراسه...والي يذكرني فالمنتدى من 2006 ممكن يفتكر الكلام دا
الناس هنا مع الاعتذار ...كانت وحشه اوي...كاني كنت عايشه فعالم وجيت عالم تاني...انا مبقارنش سنه اولى بهنا...انا بقارن حياتي ماقبل الكليه...بدلوقتي
انا اتصدمت فناس كتير...واتعلمت من ناس كتير.....واتعرضت لمواقف وناس..انا بيتهيألي علموني فالحياه كتيررر
تاني حاجه لاني كنت رافضه الي انا فيه ومش مبسوطه بيه..ولا كانت عاجبني اني دخلت كلية طب وكان نفسي فكليه تانيه...وغيري اصلا مش طايلها... وكنت بتذمر على حاجات كتير فحياتي..
وتالت حاجه اني احس بقيمة كليتي..بقيمة الاصحاب ...وقيمة كل حاجه...ويمكن عشان توحشني الكليه ويمكن لو استمريت كدا كنت هشيل كل سنه ومكنتش هستحمل الكليه ولا كنت هحبها ..وجايز السنه دي كنت اعيدها فسنه خامسه ولا سادسه
ساعتها فعلا تبقى مصيب÷....
ورابعا السنه دي سبحان الله كانت لازم تكون موجوده...خلتني اقرب من ربنا اوي...خلتني اعيد حساباتي فكل حاجه فحياتي...فنظرتي للناس ونظرتي للدنيا ..ونظرتي لاخرتي...وطريقة تعاملي مع الناس...يمكن زمان كانت طريقتي ساذجه شويه ...او على نياتي زي مابيقولي...لكن كل حاجه بتعلم....وكيف انا اختار صحابي صح ..وكيف اني اعمل الناس بابتسامه دايما...وكيف انه يكون لي دور فعال فحياتي وحياة الناس الي حواليا...
...بداأت السنه وانا بفكر اذاي استفيد من سنه بحالها ..وانا مش معايا غير ماده وحده...فالبدايه مكنش ليه نفس انزل الكليه من كتر ما انا كنت محبطه...
بدأت اعمل سيرش وادور هنا وهناك..اخويا الله يكرمه بدأ ينصحني بحاجات كتيره...بدأ يجيبلي كتب المعادله وبدات افتح فيها واقرأ كتير عن المعادله...والصراحه غيرت فنظري حاجات كتير...عرفت يعني ايه الواحد يكون حريص على مستقبله...وعلى دراسته ...وقريت كمان ان ناس كانت بتأجل اصلا سنه من الكليه عشان تاخد املعادله بين تالته ورابعه......
بدأت كمان اقرب من ربنا اكتر واكتر...بدأت اروح دروس قران واواظب على الحفظ..والحمد لله انجزت قدر كبير ....بفضله سبحانه ...بدأت اهتم بنفسي وبصحتي...وابص للحياه بمعنى اخر تماما...
بدأت اعرف ان الحياه مش مستاهله ان اولاحد يزعل ولا يدايق...بالعكس...الدنيا ابسط من كدا بكتير...والناس احلى من كدا بكتير – مش كلهم طبعا- ...في ناس لازلت اتمنى اني مكنتش قابلتها فحياتي...
بس مقدرش انكر ان في ناس غيرتلي حياتي.....صاحبت ناس وبتهم وصاحبت ناس وسابوني...وصاحبت وعرفت من كل الالوان...بس الحمد لله ربنا بيعوض والله فكل حاجه...حتى لو زعلت على وحده صحبتي..رنبا اداني احسن منها واحلى منها...وبتحبني وتخاف عليا اكتر منها....
كل دا مكنتش هكتشفه لو مكنتش عدت السنه...
عرفت بقى اخطائي فالمذاكره ونظامي الي كنت ماشيه بيه مكنش مناسبني...وعرفت ازاي اذاكر صح ...وايه الي ينفع مع كل حاجه...
كنت بذاكر الفارما بمزاج – بس برده لسه مبحبهاش ههههههههههه - .....في ناس وقفوا جمبي جامد اوي وبشكرهم اوي.... ودخلت الامتحان الحمد لله وعديت...وانا واثقه من مذكرتي...لاني غيرت من طريقتي وغيرت من حاجات كتير...
وعدت السنه زي الهوا..,ولا افتكرها دلوقت...وهدخل سنه جديده...بس كل حاجه هتبقى فيها جديده...
فاخر كل دا ....ألي عوازه اقوله ان السنه دي علمتني حاجات كتير اوي...بعتبرها جيفت ...عشان انا كنت محتاجاها..... وبجد بجد ....انا صدقت فعلا الايه.... وعسى ان تكرهوا شيئا وهو خير لكم....وبجد بقول اني مش زعلانه ع السنه دي
بالعكس ربنا ادهالي عشان بيحبني....عشان هو عارف انا محتاجه ايه وعارف اني هعيد النظر وترتيب الامور فحاجات كتير....حاجه جميله اوي ان الواحد يقف وقفه مع نفسه...ويغير حاجات كتير مكنش حاببها فنفسه او فالناس ...
وبرده بقول كل الكلام دا عشان نفسي وعشان كل الي حصلهم زيي...واي حد اتعرض لموقف فحياته ظن ان دي اخر الدنيا...وانه كره حياته...وحس انه اكبر موقف واصعب موقف ممكن يتعرضله فحياته ...بالعكس...ابسلوتلي ههههه...والله الدنيا ابسط من كدا بكتير...الدنسا اصلا متستاهلش الي الواحد بيعمله فنفسه.....دا ياما الواحد هيشوف مواقف صعبه اويي فحياته ..لسه احنا صغيرين جدا ومشفناش الحياه ولا اتعرضنا لمواقف...احنا مخرجناش بره اطار اللكيه والبيت وصحابنا...لكن لسه كل واحد هيتجوز ومشاكله ويخلف ويشتغل ويامام والله ياما هيشوف...محدش يزعل ولا يكتئب...ولا أي حاجه...مش مستاهله...انا عن نفسي....غيرت فنفسي كتيرر...وللاحسن الحمد لله..
واهم حاجه حسيت بجد بحال المسلمين وحال الفلسطينين الي قلبي بيتقطع عليهم دلوقت والله...هما فايه والحروب والموت ...ووو وانا زعلانه وبعيط على سنه وقعدتها فالبيت...وباكل وبشرب وبخرج وعايشه فقمة الانام والرفاهيه..وكنت محروقه اوي...
يااااه لو كنا ماكن الفلسطينين دول..لأاعارفين يتعلموا ولا عارفين يلبسوا ولا يعيشوا زي البني ادمين...أي بني ادمين....لو الواحد يطول الشهاده واقسم بالله لو واثقه من الشهاده ...كنت سبت دنيتي وسبت حالي ومالي..ورحت اموت شهيده..والهل الي متمسك بادلنيا دا يبقى عبيط ...ومش عارفه انها متستاهلش دمعة عين...
بس صدقوني كان لازم احكي تجربتي...وبالعكس مش مضايقه منها ولا محرجه...يمكن ناس كتير متعرفنيش...لكن اكيد هتستفيد من دا.....كل واحد بيستفيد من تجارب التاني...الحياه كلها تجارب...وحياتي تجاربي
ولكم تحياتي

انا سعيده اوي بجد

النهارده بعد مده كبيره اوي مكتبتش حاجه...لاني حاسه ان مفيش حاجه تستاهل ان الواحد يكتبها..وان الدنيا ممله واليوم هو هو ...وكل الايام زي بعضها وكل الاحداث زي بعض...بس النهارده حاسه انه بداية اليوم للتغيير الحقيقي بإذن الله وان شاء الله المره دي انا ناوياها فعلا.
امبارح كنت قاعده مع خالتي ...بجد خالتي دي بحبها جدا وسيحان الله بجد اول مره احس فعلا ان ربنا مش ظالم وان المصايب ليها اسباب ليها فوائد
خالتي دي دلوقتي وحده مختلفه تماما بجد ماشاء الهل عليها
الي يقعد معها ميشبعش من قعدتها ويتأثر بكلامها جدا
انا هكتب شويه حاجات من الي كانت بتقولها لاني انا نفسي مش عاوزه انسى الحاجات دي لاني كل ما اهقرأها وأكون بعدت عن ربنا شويه اكيد هرجعله تاني
- كانت بتحكي عن الرسول صلى الله عليه وسلم بالحديث لكن انا مش فاكراه دلوقت بما معناه...ان ربنا سبحانه وتعالى اما الرسول توفى ربنا خيره ان روحه تفضل فالقبر بتاعه او يطلع للجنه ويستمتع بالنعم ..فالرسول فضل انه يفضل في قبره عشان يستقبل الملايين من الناس بل المليارات الناس الي بتيجه تزوره في قبره عشان تسلم وتصلي عليه وهو يرد السلام على كل واحد بإسمه سبحان الله...اللهم صلي عليك يارسول الله


- حكتلي قصه كمان ان بعد يوم القيامه واما الناس كلها تتوزع على الجنه وعلى النار الرسول ميهداش وميستريحش الا لما المسلمين كلهم الي فالنار يدخلوه الجنه
فربنا قاله اطلب يامحمد الي تريده فقاله : امتي فربنا قاله انه مش هيقدر انه يدخل كل المسلمين دول الجنه لكن اقل ناس عملوا سيئات فيهم وهعفوا عنهم ..فالرسول يروح النار وياخد الناس دول فباقي المسلمين يتوسلوا للرسول انه ياخدهم معاه فيرجع لربنا ويقوله وهكذا....لحد ما يطلع اخر واحد قال لا اله الا الله .... دي حاجه جميله جدا يعني كلنا هندخل الجنه مهما عملنا سيئات..ربنا دا كريم جدا والرسول احلى...انا بجد نفسي اشوف الرسول يارب


- انا لقيت حديث دا ....... من أسباب غذاب القبر .قوله : { لا يدخل الجنة قتات ** وفي رواية: { لا يدخل الجنة نمام ** وقوله عندما مرّ على قبرين يعذب صاحباهما فقال : { يعذبان وما يعذبان في كبير وإنه لكبير: كان أحدهما لا يستتر من البول وكان الآخر يمشي بالنميمة **.....الحاجاتين دول فعلا انا اول مره اخد بالي منهم
حاجات سهله جدا يعني سهل اوي ان الواحد يمسك نفسه ولسانه انه مينمش على الناس ....وان الانسان يتطهر من البول في ..انا فاكره ان الناس القديمه اجدادنا واجداد والدينا مع انهم مكنوش متعلمين وناس على قد حالهم جدا لكن كانوا يفهموا اوي ويعرفوا الحاجات دي كويس واما ييجوا يصلوا بيبقوا طاهرين...
-السعي بالنميمة ونقل كلام الناس لإثارة الفتنة
- وعدم الحرص على الطهارة بالتنزه من البول بالاستنجاء والنظافة. وهذا الأمر ليس بكبير ولا يشق على أحد ، فإنه باستطاعة كل إنسان أن يبتعد عن النميمة وأن يتطهر من البول


- ان هي مره سمعت دعاء بيدعوه الشويخ فالبرامج التلفزيون و في الحرم..._ اللهم اقبضني في احد الحرمين ...يعني الواحد يتمنى انه يموت يا ف المدينه المنوره يافي مكه المكرمه بجد يااااه ...وكانت بتحكي على واحد زوجته ماتت وهما ف السعوديه ودفنوها فالبقيع..فالناس بيقولواه خلاص ارجع مصر ...قال لا ومرضيش ابدا وقال انا مستحيل اسيب زوجتي انا هفصل هناغ معاها لحد ما اموت اودفن معاها....انا بحسد بجد مراته دي...حسد غبطه...ونفسي ابقى زيها
فخالتي بتسأل يعني من بين الملايين الي بيدعوا الدعاء دا كلهم ربنا هيستجيبلهم ويتدفنوا فالسعوديه ...فقالت اكييد الي يستحق وانه يدفن هناك والي عمل فدنيه خير ربنا يجازيه عليه بأنه يتدفن هناك والعالم كله يجي ويصلي عليه ...يابختهم بجد نفسي ابقى واحده منهم


- وكانت بتحكي عن زبيدة زوجة هارون الرشيد ...هو كان متدين وزبيده كمان كانت متدينه جدا لكن كانو اغنياء جدا ...ي فيمكن بعض الناس تعاتب في النقطه دي
المهم كانت بتحكي عن ان زبيده مره كانت رايحه تحج ...من بغداد الى مكه...وفي طول الطريييق دا مفيش اي بيئر او مصر ماء ..والماء الي كان معاهم قرب يخلص... ومحدش بيشرب عشان الميه تفضل ليها من القافله....ففكرت سبحان الله فرغم الفلوس الي كانت معاها فكرت تعمل حاجه للمسلمين مين دلوقت الي مستعد يدفع اكتر من نصف ثروته عشان يعمل حاجه للمسلمين
فقامت بعمل ابار مياه على طول الطريق من بغداد الى مكه وعملت بين الابار دي وصلات للناس فالطريق وغطت انابيب المياه دي بمباني عشان الشمس والميه متكونش سخنه...وكلفتها اكتر من نصف ثروتها 3 ملاينن قطعه ذهبيه ايام مكنش يعرفوا الملايين دي يعني ثلااثه الف الف قطعه ذهبيه سبحان الله بجد على الناس...


وحواديت وحواديت .... يمكن انا معرفش احكي او اقول القصه بطريقه مؤثره لكن سبحان الله بجد حاجات زي دي بتأثر فالواحد جدا
يعني بدل ما الواحد يقعد يتفرج على التلفزيون والمسلسلات بجد يقعد يتفرج على مصطفي حسني او عمروا خالد والناس دي بتقول كلام جميل جدا والنس بتتأثر سبحان الله

ياترى انا عملت اهي انا فدنيتي حلو اصلا او كويس عشان ادخل بيه الجنه واقابل سول الله واستاهل شفاعته

انا لون ضيي...بلون القمر

باحثة اسرائيليه.: اليهود تعرضوا لمذابح بشعه في عهد الحكم الاسلامي....هي هي هي مسمعتش

تخفيف الحكم علي صحفي بجريدة الفجر من السجن إلي تغريمه مائتي جنيه ...اه يا ولاد ال...البلد دي يخربيت كدا

ال عملوا مزاد على تصفية الجسم الزجاجي وطلع نصيبنا الفين جنيه....يابلاش والله

تسوّل في حب مصر..!..منين الامريكان مش عاجبهم ولاد الشوارع...ومنين عاوزين يدفعوا 5750 مليون لوجيه


مساحة للصراخ...اه والله نفسي بس محدش يسد ودانه


التطعيم ضد انفلونزا الخنازير للقيادات....لا حلوه..امال احنا نبقى ايه

فتوى قتل ميكي ماوس ...ماشي بس هاتهولي وانا اقتلهولك

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

بشخطه فظيعه تكاد ان تصيبك بالسكته القلبيه يصرخ ممدوح فرج في اعلانه العجيب

لجميع المشاهدين ( الرشاقه مسئوليه كبيره هييييييييييه .. بقولك انت ..(أنت مش ناول تعتزل بقي ....هيييييييييه بقولك أنت(

اوباما عريس الهنا

في زحام الأفلام الصيفية وقع الاختيار علي فيلم 'بدل فاقد'‏ وذلك بعد أن حذر منتجو 'ابراهيم الأبيض' من جرعة العنف الزائدة وبعد أن رفضت جيناتي رؤية 'هيفا' في 'دكان شحاتة' وبعد أن عرفت أن مطرب الجيل هو مؤلف فيلمه 'عمر وسلمي' .. كان اسم 'أحمد عز' وبروموهات الفيلم علي الفضائيات تؤكد ان الفيلم يحمل نفس الصفات الجينية ل 'ملاكي اسكندرية' و'الشبح' و'مسجون ترانزيت' .. فيلم حركة وغموض .. واتضح لي أنه حركة فقط ولا شئ سوي الحركة في مستوي واحد وذلك علي اعتبار أن الحركة بركة

جَاهينيّات "يارباعياتك ياجاهين"

الشوارع حواديت
حواديه الحب فيها
وحودايه...عفاريت
اسمعي يا حلوة لما اضحكك

الشارع دا كنا ساكنين فيه زمان
كل يوم يضيق زيادة عن ما كان
اصبح الآن بعد ما كبرنا عليه
زي بطن الأم مالناش فيه مكان

الشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك

الشارع دا رحنا فيه المدرسة
اللي باقي منه باقي
واللي مش باقي...اتنسى
كنسوه الكناسين بالمكنسة
ييجي دور لحظة أسى
أنا برضه كمان نسيت

والشوارع حواديت
حودايه الحب فيها
وحودايه...عفاريت
اسمعي يا حلوة لما أضحكك

الشارع دا أوله بساتين
وآخره حيطة سد
ليا فيه قصة غرام ماحكيتش عنها لأي حد
من طرف واحد...وكنت سعيد أوي
بس حراس الشوارع حطوا للحدودته حد

الشوارع حواديت
حودايه الحب فيها
وحودايه...عفاريت
اسمعي يا حلو لما أضحكك

الشارع دا شفتك إنتي ماشية فيه
لابسة جيب...وبلوزة وردي
وعاملة ديل حصان وجيه
اتجاهك اتجاهي...مشينا ليه
والشارع دا زحام وتيه
بس لازم نستميت
والشوارع حواديت
حودايه الحب فيها
وحودايه...عفاريت
واضحكي يا حلوة لما اسمّعك

شعر: صلاح جاهين

لحن: هاني شنودة

غناء: فرقة المصريين

بالاشتراك مع صلاح جاهين

مش زي الافلام

رن تليفونه بـغـنــوة بـتـفــــكرة بـيـهــــا
كــانــت شــغــالـــه اول مـــرة عنــيـه تــلاقـيـهـا
ولما رد كــان بـقـالـه سـاعـه مـسـتـنيها
قــالـتـلــه انــا خــارجــه يـنـفــع لـبـكـرة نـخـليها
مـن سـكــــات خــد الـفـيــشـــار ودخـــل
دخــــــل يـتـفــــــرج عــلـــى فـيـلــم كـــان هـبــل
مارضاش يخش الفيلم التانى من غيرها
رغم انها لو فى مكانه مكنش هاييجى فى تفكيرها
كــام مــرة رجـعـت بـالـلـيــل كـلـمـتـــه
قــالـتـلــــه اد ايــــه فــى يـومـهـــا افـتـكـرتـــــــه
وكــلامـهــا دا هـــز قـلـبـــه وفــرحــــه
ونـســـاة انــهــــا فـــــى الأيــــام دى نـســيـتـــــه
اصلها قالتله يستنى ويصبر عـلـيـهـــا
وانه هاييجى يوم من الأيام تيجى ايدة فى ايديهـــا
مـش عــارف لــيــــه بـتـحـكـيــلــــــه
مـــــــــرة عــــلــــــى واحــــــــد تـــــانــــــى
ولـــــمـــــــا قــــالـــهــــا ازاى
قـــالتـــلـــــه مــــاتـــبـــقـــــــــاش انـــــانــــــــى
انــــــــا مــــــش مـــمـــكــن احـــبـــك
وانــــــك لازم تــــنـــســانـــى
ماقالتلوش لــيـه بـس مــن وقـتـهــــا
مـاصـدقــهــاش مــن كـتــر مـا كـان بـيـحـبـهـــــا
لكن طلعـــت اة راكـنــاه عــــلى الرف
وطـلـــع هــــوا اة واقــــف فى الـــــصــــــف
واتارى الدنيا مش حلـــــوة كـلـهـــــا
مـش زى الأفـــلام اللــى هــــوا بـيـحـب يـخـشهــا
فتح عنيه بعد ما كـــت مـغـمـضــــــه
واد ايــــه كـــــان ظالــــم نـفـســــه ف كـــــــل دا
بس ف يوم هايلاقى ست ســتـهــــــا
وهــاتحـبـــه اكـتـــــر مـــا كــــان هــــوا بـيـحبها
ماقالتلوش لــيـه بـس مــن وقـتـهــــا
مـاصـدقــهــاش مــن كـتــر مـا كـان بـيـحـبـهـــــا
لكن طلعـــت اة راكـنــاه عــــلى الرف
وطـــــلـــــــع هــــوا اة واقــــف فى الـــــصــــــف
واتارى الدنيا مش حلـــــوة كـلـهـــــا
مـش زى الأفـــلام اللــى هــــوا بـيـحـب يـخـشهــا

new goals for new year

1- do god`s work and put first things first (god)
2- be a great relationship with GOD
3- read at least 3 pages of Q`raan everydays
4- pray aljom`a in mosuqe
5- ask god for advices during dicision making(salat este5ara)
6- be thankfull for all tyhing god given to me
7- memorize all 99 names of allah
8- complete building my own masjed
9- pray all five time a day and el sona
10 go to hajj this year
11- finish Qur`an
12- pray for others more than i pray for myself
13- pray with my family more



14-have deeper relation ship with my family
15- meet new people
16- be a nice person with others
17- accept people for who they are
18- send one special thing a mounth to a friend to make their day happy
19- meet someone special
20 - make new friends
21- changes someone`s life
22- be a better friend
23- meet more people like me
24- be a true friend
25- make someone smile everyday
26- visit someone at least once a mounth
27- be friend to all


28- do well at university
29- study more and more
30- studying like never study before
31- spend at least 4 hours a day to study
32-finding new way to study
33-manage my time

34- fix my laptop or buy new one
35- change my mobile
36- buy my own digital camera
37-change my house


38- be simple, clean , clear
39-learn to like myself more
4- less complain
41- stop avoiding things
42- turn 21 year without anxiety
43- find 100 things that i like in myself
44- let go of sadness , anger
45- be happy with who iam
46- become less senstive
47- get some of my rules removed
48-not regret the pass
49-make the world a better place
50- do something crazy
51- lough out loud
52- slow down my anger
53- renew my personality
54- make a diffrence in the world
55- make more eye contact
56- be happy always
57- love more free
58-stop forgetting so much
59- be more responsible
60-work on my self better
61- be loved
62- be berfect
63- have some kind of secret
64- fall in love
65- figure out what i want
66- be popular
67-take better care of myself
68- live simpley
69- learn to say what i mean
70- show the world how beautiful the world are
71- have fun
72- ask always for advice
73- try to do a nice thing for myself everyday
74- help myself celebrate the life and get in the best shape of my life
75- stop doing the things that make me crazy,unhappy and selfhating


76- take pictures for me
77- not let bad internet connection effect on me
78- make a party for my birthday
79- have many childrens when i got married
80- watch 200 movies at 2009
81- spend a great summer
82- read at least one bokk a month
83- photograph at least 50 nature site a month
84- never eat kintaky again
85- watch -lost- season 3
86- spend less time on computer
87- give blood to someone
88- send a message in a bottle (in the sea )
89- go to sleep when i have 1st desire of sleep
90- start up my own business-dont know wht it`s yet-
91- write more in may daily note
92- fly in a hot air ballon -looks impossible-
93- spend a day outside
94- run my own website
95- complte 1st aid course
96- get over phobia from lefts
97-visit lots of countries in the world
98- renew my passport
99- excresise at least 4 times a week
100- improve my memory
101- improve my drawing and oaint lots of pictures
102- improve my english langugae
103- take 15 photo on 15th of every month
104- keep updates news
105- write more note for everthing
106-get my own place
107- see the pyramids
108- spend 1 week every year somewhere i`ve ever been
109- have a house with hidden rooms -funny-
110- learn to type on keyboard without looking to my hands
11- go camping
112- eat healther
113- CREAT MY OWN BANK ACCOUNT
114- LEARN COMPUTER PROGRAMING
115- sleep at night
116- write poetry
117- save someone`s life
118- make my own pasta- as i can cook first ,funny, :) -
119- have a spa day- ope one day-
120- spend one week without sugar or salt
121- spend a month without pepsi
122- change my life style to feel better, healther,,,
123- stop biting my nails
124- collect 100 pepsi cans-funny-
125-start swimming again



126- hope to do allllll these things
but it looks hard

some of my designs

حملة ايقاظ المليار مسلم لصلاة الفجر

كلمني الفجر
حملة إيقاظ المليار مسلم لصلاة الفجر
السلام عليكم و رحمة الله و بركاته

محتاج لربنا ؟نفسك تقرب منه ؟

أكيد نفسك ......

. وكلنا نفسنا

طيب إيه رأيك نقرب لربنا أكتر ونقوم كلنا نصلي الفجر

والله كويس

احنا هنا بقا عايزين نساعدك وعايزين نقرب مع بعض لربنا

طيب جميل بس إزاي ؟ابعت لنا نمرتك علي الميل

ده

fajrcaller@hotmail.com(((

بالنسبة للأخوات يا ريت يضيفوا الميل ده ويكلموا المشرفه الموجوده ويدوها الرقم وده لخصوصية أرقامهم )))

fajrcaller.girls@hotmail.comبعد ما تبعت حتبدأ الخدمه إن شاء الله خلال أقل من اسبوع إن شاء الله

واول ما يرنلك طبعا تكنسل عليه وترنله عشان تأكد له إنك خلاص صحيت

وحتقوم تصلي بإذن الله

طب صحيح انا يعني حاسس انه صعب اوي إني أصحا كده مره واحده

مش متعود لسه وبعدين انا حاولت قبل كده وبطلت كذا مره؟

لا لا عيــــــــــــــــــــــــــــــــــب

ربنا حيكرمك وحتصحا بإذن الله

بس إنتا ابدأ معاناو ما تقلقش إن شاء الله حتصح

ينام بدري شويه وخد بالأسباب

وان شاء الله حتصحا وكمان بكره تتعود و تيجي تقول انا بقيت اصحي كل يوم وعايز اصحي ناس كمان

طيب صحيح لو حبيت أصحي حد كمان أعمل ايه ؟

برضه ابعت لنا وقول : انا عايز اصحا مثلا واحد او اتنين علي نفس الميل برضه

بس توكل علي الله وابدأ اصحا وربنا حيكرمك اوي اوييلا ابعت لناواحنا حنكلمك الفجر_________________________________________________________________________________________للإستفسار :fajrcaller@hotmail.com

ده للاخوه الي بيستفسروا أو عايزين يصحوا الناس معانا كمان

fajrcaller.girls@hotmail.comوده للاخوات ان شاء الله وبرضه

للاخت الي عايزه تساعد انها تصحي الاخوات فروع الحمله

:http://groups.google.com.eg/group/fajrcaller

علي الجي ميلhttp://fajrcaller.blogspot.com/

المدونهhttp://www.facebook.com/group.php?gid=

11399879274علي الفيس بوك

DO U REMEMBER US

DO U STILL REMEMBER US?

We are still under siege

darkness ....

And hunger...

Do you still remember us ?!

To get water we have to walk so far....

To fill a bottle or a jar......

Do you still remember us

We still have No food.....

Or medicine to be fed...

Our kids.....

are dying every day.....

in their beds.....

And many have just tears toshed...

Do you still remember us?!
Death!

is everywhere.....

that sometimes we have No

placeto make Our pray ....

Do you Really still remember us?!

illness....

And daily sadness..... .

to Share.....

to Share.....

So do you still remember us?!

Gaza children implore you! 1They are dying due to the blockade!



There is 'growinghumanitarian crisis,'happening in Gaza ..... There is an EXTREMErestricted access,to food, water, andmedicine!! 1

Signature made by :
HE DEMOCRATIC! 1X-HOLOCAUST VICTIM?!!! 1PRESENT-HOLOCAUST MAKER!!! 1EXTRA-HUMAN STATE OF ISRAEL !

Please!

.....don't forget us

Please do Remember us!

Gaza Needs Your Voice!