يعني اما اجي اتكلم عن الي حصر فقطار العياط ..والكلام الفارغ دا
اما نيجي نبص على منظر القطارات من جوه ونشوف حاجه زي دي
ويحصل الي حصل دا..والحجم المهول من الناس دي تتفعص فبعض؟؟
ونيجي نقول دول 8 بس الي ماتوا
ونرجع نفتكر ان القطر دا اصلا بتاع الصعيد..
والساعه 6 ولا 7 بليل..يعني كله راجع شغله ومروح...
القطورات دي الواحد بيبصلها كدا من بعيد وهو ماشي جمبها ويقعد يقول فنفسه..الناس دي كدا ازاي القطر مفهوش لا نور ولا كهربا ولا شبابيك بتتفتح
ولا الهوا حتى...
واما نيجي نبص كدا على مستقبل السكه الحديد كدا تلاقيه اسود فاسود شبهه من جوده كدا
اما مشكله زي دي عمرها فوق الميه..من ايام افلام الابيض واسود لو حد فاكر
وكلها شهر ان مكنش اقل وننسى او نتناسى الموضوع دا
لاو فعلا زي ماقالوا....دا يتعمل عليها فلم والله
اما يصرفوا فملاينن اساسا عشان يوعوا الناس انهم ميقطعش الكراسي ميسرقوش الحنفايات والكلام دا
والاعلانات الي بنشوفها فالمخروبه
هي فين الحاجات دي اصلا..انا بيتهيألي مفيش قطر من كل القطارات الي حصلتلها الكوارث دي فيها ربع حاجه منالحاجات دي
لا ويقولك طورنا 85% وفاضل االباقي
هما فاكرين الشعب دول ايه هبل ولا عبط ..الناس كلها دلوقت بقت فاهمه وواعيه...يعني المفروض نصدق كدا
كان في جروب عملوه ع الفيس كان معتز جايبه..اسمه حاسبوا الوزير وبلاش الجاموسه
دا في مسؤل اتصل وقال الجاموسه ومش الجاموسه وازاي صاحبها يسيبها ..حاجه تدحك والله
مهزله ومسخره
ربنا يشفي
2 comments:
كلامك صحيح..
هو الحكاية ان مفيش اهتمام.
والسرقة شغالة على ودنة
ربنا يصلح الحال.
مع خالص تحياتى
تاني يوم الحادثة
سمعت في البي بي سي
أصدرت وزارة مش عارف ايه
بيان بتقول فيه
إن السبب في حادث قطاري العياط
جاموسة
.
.
.
وسكت المذيع على كده
Post a Comment